السبت، 7 مايو 2011

الليل والميدان



فارد ستاره ع البلد
تلاتين سنة
ناسج خيوطه من حديد
عاشق ومعشوق
ف الوطن
الليل بيقتل عشقهم
بيهدهم
الليل يا خوف
مزروع ف قلب الشقيانين
مزروع سنابل قمح
مخلوطة بفساد
شارب كيماوي الذل
من نيل  الجاري
عايش تجاري
الخــــــــــــــــــــــــوف
جبان
يترج لو صوتنا علي
الليل خلاص
دبلت فروعه
اتكسرت
كل الحروف
إتبعترت
إتغيرت
الليل خلاص
أصبح جديد
الليل بيهتف باللي مات
الليل  يا صامد في الميدان
دق الجرس..................
فك الحرس
عقدة لسانك  من زمان
دمك بينزف ع الرصيف
غسل الميدان
من واد ...لبنت...لشيخ عجوز
الكل يهتف بانتظام
عاش البطل.........
مات النظام.......
عاش اللي صحي الثورة
ف قلوب الشباب
مات اللي قتل حلمهم
جوه الميدان
مات الجبان
مصلوب علي جدار التاريخ



شعر / خضرة أبو ليلة
بلطيم / كفر الشيخ
K_h432@yahoo.com





هناك تعليقان (2):

كريمة سندي يقول...

خاطرة ججميلة سلمت الأنامل

حاتم النجار يقول...
أزال المؤلف هذا التعليق.