(1)
رغم افتراق الحلم
من دنيا الامل
لسة الحياة فاردة ضلوعها تضمني
بتهزني
وكأني نونو ف حضنها
مالكاه.....
ومالكني الامل
بيراود الحلم اللي فات
وان عدي يوم
ومشفتكيش
اتهجي ف عيونك حروف الذكريات
(2)
وكأن الحبل السري بينا ما اتقطع
كان سري هو ف الحياة
احساس كأني بمتلك
فيكي الامومة
احساس بإني نفسي أكبر
جوه حضنك
بين ايديكي
ويشد عودي
اشتد.....
وياخدني الامل
ارسم ف عينك
شط بكره للقا
ارسم وترسمني الحياة
ويا ألف.......آه
لو يتعوج مني القلم
أرسم لقانا
نفترق
ونضيع ما بين كل الطرق
ونتوه ما بين كل الخطوط
كل الخطوط اتلخبتط
إهداء إلي أمي بعد رحيلي أو بعد رحيل الايام كي تتذكرني
ثم إلي أمي الثانية ....أم زوجي ...
خضرة أبو ليلة
هناك 8 تعليقات:
ماشاء الله بجد كلمات جميلة جدا ومعبرة
بالتوفيق دايما يارب وحياة سعيدة وكل سنة وكل ام طيبة
تقبلى مرورى
كلمات رائعة
مافيش احن من الام
وانت بتقرأي القصيدة لي شيء
ولما اقرئها واتأمل حروفها شيء
اه
بجد كلامك معرفش بيعمل فيا اية ...
صدقتي العزيزة ...بتمني لك كل خير
صباحك حنان صدى صوتك
وماأجمل حنان كلماتك
ورقة إحساسك
قرأتكِ سطراً سطر
وفي كل مرة أعيد قراءة سطوركِ
من جديد ..
قرأت للأم كثيراً ولكن هنا وجدتكِ
حرف حنون مختلف
سعدت جداً بإكتشاف ركنكِ الراقي
دمتِ بسعادة
تحياتي
وردة الجنة
شكرا علي ردك وكلامك الرقيق وشكرا لزيارتك
Ms Venus
شكرا لكلامك ومفيش لا احن ولا اغلي من الام
re7ab.sale7
شكرا يا رحاب يا صديقتي العزيزة
همس الحنين
شكرا لكلاماتك التي ابهجتني واسعدتني للغاية
وهي وسام علي صدري اعتز به
شكرا لوجودك وان شاء الله اتابع مدونتك
إرسال تعليق