الأحد، 20 مارس 2011

بتهجي ف عيونك حروف



(1)
رغم افتراق الحلم
من دنيا الامل
لسة الحياة فاردة ضلوعها تضمني
بتهزني
وكأني نونو ف  حضنها
مالكاه.....
ومالكني الامل
بيراود الحلم اللي فات
وان عدي يوم
ومشفتكيش
اتهجي ف عيونك حروف الذكريات
(2)
وكأن الحبل السري بينا ما اتقطع
كان سري هو ف الحياة
احساس كأني بمتلك
فيكي الامومة
احساس بإني نفسي أكبر
جوه حضنك
بين ايديكي
ويشد عودي
اشتد.....
وياخدني الامل
ارسم ف عينك
شط بكره للقا
ارسم وترسمني الحياة
ويا ألف.......آه
لو يتعوج مني القلم
أرسم لقانا
نفترق
ونضيع ما بين كل الطرق
ونتوه ما بين كل الخطوط
كل الخطوط اتلخبتط

إهداء إلي أمي بعد رحيلي أو بعد رحيل الايام كي تتذكرني
ثم إلي أمي الثانية ....أم زوجي ...


خضرة أبو ليلة


هناك 8 تعليقات:

وردة الجنة يقول...

ماشاء الله بجد كلمات جميلة جدا ومعبرة

بالتوفيق دايما يارب وحياة سعيدة وكل سنة وكل ام طيبة

تقبلى مرورى

Ms Venus يقول...

كلمات رائعة

مافيش احن من الام

رحاب صالح يقول...

وانت بتقرأي القصيدة لي شيء
ولما اقرئها واتأمل حروفها شيء
اه
بجد كلامك معرفش بيعمل فيا اية ...
صدقتي العزيزة ...بتمني لك كل خير

همس الحنين يقول...

صباحك حنان صدى صوتك

وماأجمل حنان كلماتك

ورقة إحساسك

قرأتكِ سطراً سطر

وفي كل مرة أعيد قراءة سطوركِ

من جديد ..

قرأت للأم كثيراً ولكن هنا وجدتكِ

حرف حنون مختلف

سعدت جداً بإكتشاف ركنكِ الراقي

دمتِ بسعادة

تحياتي

sadasoutk يقول...

وردة الجنة
شكرا علي ردك وكلامك الرقيق وشكرا لزيارتك

sadasoutk يقول...

Ms Venus
شكرا لكلامك ومفيش لا احن ولا اغلي من الام

sadasoutk يقول...

re7ab.sale7
شكرا يا رحاب يا صديقتي العزيزة

sadasoutk يقول...

همس الحنين

شكرا لكلاماتك التي ابهجتني واسعدتني للغاية
وهي وسام علي صدري اعتز به
شكرا لوجودك وان شاء الله اتابع مدونتك