نكتة عن الثورة

من نكت الثورة

اتصل احد الشباب بخطيبته .....

فتشاجر كلا منهم 

 حتي قال لها : حلي عني بقي ....مبارك حل عن الدولة بعد تلاتين سنة وانتي مش راضية تحلي عني ...؟!!!

 ........

أرجوكي حلي عني وإرحميني بقي ....!! ؟

إهـــــــــــــــداء لمن يعرف نفسه جيدا

بنـــــــــــ النيل ـــــــــــت

بتهجي ف عيونك حروف

(1)

رغم افتراق الحلم

من دنيا الامل

لسة الحياة فاردة ضلوعها تضمني

بتهزني

وكأني نونو ف  حضنها

مالكاه.....

ومالكني الامل

بيراود الحلم اللي فات

وان عدي يوم

ومشفتكيش

اتهجي ف عيونك حروف الذكريات

(2)

وكأن الحبل السري بينا ما اتقطع

كان سري هو ف الحياة

احساس كأني بمتلك

فيكي الامومة

احساس بإني نفسي أكبر

جوه حضنك

بين ايديكي

ويشد عودي

اشتد.....

وياخدني الامل

ارسم ف عينك

شط بكره للقا

ارسم وترسمني الحياة

ويا ألف.......آه

لو يتعوج مني القلم

أرسم لقانا

نفترق

ونضيع ما بين كل الطرق

ونتوه ما بين كل الخطوط

كل الخطوط اتلخبتط

إهداء إلي أمي بعد رحيلي أو بعد رحيل الايام كي تتذكرني

ثم إلي أمي الثانية ....أم زوجي ...

خضرة أبو ليلة

و ط ن

"و"
وفيت لكل الناس
وحضنت أحلامهم

" ط"
طينك فى نن العين
وأن طرت كنت ف سماك
مزروعة جوا السنابل

" ن"
نورت بيك الطريق
ومشيت على دربك
وقصدت فيك الوصول
عاشقه تراب أرضك
يالى كتبتك بين رموش عينى
عشقاك وعشقى كان بيروينى
حضناك وحضنك كان بيحينى
رسماك طريق على كف أولادى
كتباك قصيده جوا أشعارى
كحلت بيك العيون إلى بكت منك
محتاجه أقولك لو ح تسمعنى
شوف قد إيه حبك بيوجعنى
كان نفسى أكون لك
بس ترجع لى